WI-FI

బ్రాడ్‌బ్యాండ్ Vs వై-ఫై: తేడా ఏంటి?

Thursday, Dec 16, 2021 · 10 mins

141

బ్రాడ్​బ్యాండ్​, వై-ఫైలలో ఏది మంచిది?
  • Share

బ్రాడ్‌బ్యాండ్, వై-ఫై అనేవి తరుచూ ఒకదాని బదులు మరొకటి వాడబడుతున్న రెండు పదాలు. అయితే ఇవి రెండు వేర్వేరు విషయాలు. మీరు మీ ఇంటర్నెట్ ప్రాథమికాంశాలను సరిగ్గా తెలుసుకోవడానికి వీటిని స్పష్టంగా అర్థం చేసుకోవాల్సి ఉంటుంది.

సరళంగా చెప్పాలంటే, వైర్లు లేకుండా డేటాను బదిలీ చేయడానికి వై-ఫై రేడియో ఫ్రీక్వెన్సీలు, సిగ్నళ్లను ఉపయోగిస్తుంది. హై స్పీడ్ ఇంటర్నెట్ సాయంతో డేటాను ప్రసారం చేయడమే బ్రాడ్‌బ్యాండ్.

బ్రాడ్‌బ్యాండ్ కనెక్షన్ అంటే ఏమిటి?

బ్రాడ్‌బ్యాండ్ విస్తృత బ్యాండ్ విడ్త్ డేటా ట్రాన్స్‌మిషన్‎ను సూచిస్తుంది. ఇంటర్నెట్‎ను రెండు పరికరాల మధ్య ప్రసారం అవుతున్న డేటాగా భావించండి. బ్రాడ్‌బ్యాండ్ ఈ సందర్భంలో ఆ డేటా కదులుతున్న పాస్ వే(దారి). ప్రస్తుతం ASL, DSL, కేబుల్, ఫైబర్ మొదలైన పలు రకాల బ్రాడ్‌బ్యాండ్ కనెక్షన్లు అందుబాటులో ఉన్నాయి. ఈ అన్ని టెక్నాలజీలు తమ వినియోగదారులకు హైస్పీడ్ ఇంటర్నెట్‎ను అందించడమే లక్ష్యంగా పెట్టుకున్నాయి. ఉదాహరణకు, ఫైబర్ ఆప్టిక్ కేబుల్స్ యూజర్లకు అత్యధిక వేగంతో పాటు అధిక బ్యాండ్ విడ్త్‎ను అందించే ఉత్తమ సాంకేతికత.

బ్రాడ్‌బ్యాండ్ కనెక్షన్ ఎలా పని చేస్తుంది?

పాత డయల్-అప్ కనెక్షన్లు ఉపయోగించే ఒకే లైన్‌లా కాకుండా అనేక లైన్లను ఉపయోగిస్తూ చాలా డేటాను ప్రసారం చేయడం ద్వారా బ్రాడ్‌బ్యాండ్ ఇంటర్నెట్‎ను అందిస్తుంది. ఇక్కడ బ్రాడ్‌బ్యాండ్ అంటే డేటా బదిలీకి ఒకటి కంటే ఎక్కువ బ్యాండ్‏‎లను ఉపయోగించడం అని అర్థం.

సులభ పదాల్లో చెప్పాలంటే, మీరు ఒక డయల్-అప్‎ను మారుమూల ప్రాంతాల్లోని సింగిల్ రోడ్డులా ఊహించుకోండి. అక్కడ ఒక్కసారికి ఒక వాహనం మాత్రమే కదలగలదు. అదే బ్రాడ్‌బ్యాండ్ అయితే చాలా లైన్లతో కూడిన హైవే లాంటిది. ఇక్కడ చాలా వాహనాలు ఒకేసారి కలిసి కదలగలవు. ఈ సందర్భంలో ప్రసారం చేయబడుతున్న డేటా ప్యాకెట్లను మనం వాహనాలుగా భావించవచ్చు.

బ్రాడ్‌బ్యాండ్‏‎లో ఒకేసారి చాలా డేటా ప్యాకెట్ల సమాంతర బదిలీ జరగడం వల్ల ఇంటర్నెట్ వేగం పెరుగుతుంది.

వై-ఫై అంటే ఏమిటి?

Looking for an internet plans that
offer 24x7 assured speeds?

Connect now to get the best of broadband plans and get additional offers on:

వై-ఫై టెక్నాలజీలో ప్రాథమికంగా రెండు పరికరాల మధ్య వైర్‎లెస్‎గా సమాచారాన్ని అందుకోవడానికి, పంపడానికి రేడియో ఫ్రీక్వెన్సీలు, సిగ్నళ్లను ఉపయోగించడం జరుగుతుంది. వైర్‎లెస్‎గా బ్రాడ్‌బ్యాండ్‎ని యాక్సెస్ చేసుకునే మార్గంగా వై-ఫైని అర్థం చేసుకోవచ్చు. అన్ని వై-ఫై కనెక్షన్లు 2.4Ghz, 5Ghz అనే రెండు ఫ్రీక్వెన్సీ బ్యాండ్‎లపై పనిచేస్తాయి. 2.4Ghz ఫ్రీక్వెన్సీ బ్యాండ్‎ను ఎక్కువ దూరాలు, తక్కువ బ్యాండ్ విడ్త్ కోసం ఉపయోగిస్తారు. 5Ghz ఫ్రీక్వెన్సీ బ్యాండ్‎ను తక్కువ దూరం, ఎక్కువ బ్యాండ్ విడ్త్ కోసం ఉపయోగిస్తారు.

వై-ఫై కనెక్షన్ ఎలా పని చేస్తుంది?

2.4Ghz, 5Ghz ఫ్రీక్వెన్సీ బ్యాండులపై పనిచేసే అన్ని వై-ఫై కనెక్షన్లు రెండు సరళమైన దశల్లో పనిచేస్తాయి - అవి డేటాను పంపడం, డేటాను అందుకోవడం. మొదట సమాచారం కోసం ఇంటర్నెట్‎ను యాక్సెస్ చేసుకోవడానికి మీ రౌటర్, మోడెంకు ఒక అభ్యర్థన పంపబడుతుంది. తరువాత కోరుకున్న ప్రతిస్పందన మోడెం ద్వారా రౌటర్‎కు తిరిగి పంపబడుతుంది. రౌటర్ తదుపరి సమాచారాన్ని వైర్‎లెస్‎గా పరికరానికి తిరిగి పంపుతుంది.

బ్రాడ్‌బ్యాండ్, వై-ఫై మధ్య తేడా ఏమిటి?

బ్రాడ్‌బ్యాండ్ అనేది మీ ఇంటర్నెట్ సర్వీస్ ప్రొవైడర్ అందించే ఒక ఇంటర్నెట్ కనెక్షన్. వై-ఫై అనేది ఒక టెక్నాలజీ, ఇంటర్నెట్‎ను యాక్సెస్ చేసుకోవడం కోసం బ్రాడ్‌బ్యాండ్‏‎కు కనెక్ట్ అయ్యే మార్గాలలో ఒకటి. మీ రౌటర్‎ను, పరికరాన్ని నేరుగా కనెక్ట్ చేసే ల్యాన్ (LAN) కేబుల్ ద్వారా మీరు బ్రాడ్‌బ్యాండ్‏‎ను యాక్సెస్ చేసుకోవచ్చు. అయితే, రెండు పరికరాల మధ్య భౌతిక కనెక్షన్ లేకుండానే సమాచారాన్ని యాక్సెస్ చేసుకునే సదుపాయం వై-ఫై కనెక్షన్ ద్వారా సాధ్యం అవుతుంది.

మీరు మీ ఇల్లు లేదా కార్యాలయం కోసం హై స్పీడ్ ఇంటర్నెట్ కనెక్షన్ కోసం చూస్తున్నట్లయితే, ఇక్కడ మా యాక్ట్ ఫైబర్ నెట్ (ACT Fibernet) అందించే ఇంటర్నెట్ ప్లాన్స్‎ని చూడవచ్చు.

Read tips and tricks to increase your wifi speed here

Be Part Of Our Network

Related Articles

Most Read Articles

PAY BILL

4 easy ways to pay ACT Fibernet bill online

Monday, Dec 04, 2017 · 2 Mins
1195036

WI-FI

Simple Ways to Secure Your Wi-Fi

Wednesday, May 16, 2018 · 10 mins
530694
Read something you liked?

Find the perfect internet plan for you!