இந்த எண்கள், வை-ஃபை (Wi-fi) இணைய இணைப்புகளை கடத்த, பெரும்பாலான திசைவிகளால் பயன்படுத்தப்படும், இரு வெவ்வேறு ரேடியோ (radio) அலைவரிசைகளைக் குறிக்கின்றன (இது பெரும்பாலும் "பேண்ட்கள் (Bands)/கற்றைகள்" அல்லது "அதிர்வெண்கள்" என்றும் அழைக்கப்படுகிறது). இவ்விரண்டு இணையத் தொழில்நுட்பங்கள், அதாவது 2.4 GHz மற்றும் 5 GHz வைஃபை இணைப்புகளுக்கு இடையேயான வேறுபாடு - இதன் வேகம் மற்றும் வரம்பு ஆகும்.

2.4 GHz உடனான வயர்லெஸ் டிரான்ஸ்மிஷன், பெரும் அளவிலான பகுதிகளுக்கு இணைய வசதியை வழங்க உதவுகிறது. ஆனால், இதனால் அதிக இணைய வேகத்தை வழங்க இயலாது. அதே நேரத்தில், 5 GHz ஆனது அதிக வேகத்தை வழங்குவதால் சிறிய பரப்பளவு உள்ள பகுதிகளுக்கு மட்டுமே இணையத்தை வழங்குகிறது. ஒவ்வொரு திசைவியும் குறிப்பிட்ட அதிர்வெண்களை வழங்க வடிவமைக்கப்பட்டுள்ளது. எனவே, எந்த வை-ஃபை பேண்ட்/கற்றை மற்றும் சேனல் உங்கள் தேவைகளுக்குப் பொருந்தும் என்பதையும், எது உங்களுக்குச் சிறந்த செயல்திறனை வழங்கும் என்பதை எல்லாம் நீங்கள் கருத்தில் கொள்ள வேண்டியது அவசியமாகும்.

இதில் நாம் மற்றொரு விஷயத்தையும் கருத்தில் கொள்ள வேண்டும். அதாவது, வீட்டில் அல்லது அலுவலகத்தில் கிடைக்கும் வை-ஃபை வேகமானது ஒருவர் கட்டணம் செலுத்திப் பயன்படுத்தும் இணையச் சேவையின் வேகத்தின் அடிப்படையில் மாறுபடும்.

வரம்பு vs. வேகம் - அதிர்வெண் இலக்கங்களுக்கு இடையேயான முக்கிய வேறுபாடுகள் (2.4GHz vs. 5GHz)

இங்கு நாம் இந்த இரண்டு அதிர்வெண்களில் எது சிறந்த என்றெல்லாம் சிந்திக்கத் தேவையில்லை. ஏனெனில், இது அனைத்துமே பயன்படுத்துபவரின் தேவைகளைப் பொறுத்தே அமையும்.

உங்கள் சாதனங்களுக்குச் சிறந்த மற்றும் அதிக வரம்பைப் பெற விரும்பினால், நீங்கள் 2.4 GHz ஐப் பயன்படுத்தலாம். ஆனால், உங்களுக்கு அதிக வேகம் மற்றும் குறைந்த வரம்பு போதுமானது என்றால், 5 GHz ஐத் தேர்வு செய்யலாம்.

இவ்விரண்டில் புதியதான 5 GHz பேண்ட்/கற்றை, அதன் நெட்வொர்க்/இணைய செயல்திறனை அதிகரிக்க இணைப்பில் ஏற்படும் எந்தவொரு குறுக்கீடு அல்லது நெரிசலையும் எளிதில் தவிர்க்கும் திறன் உடையதாகும். இது தகவல் தொடர்பிற்குப் பல சேனல்களைக் கொண்டுள்ளது மற்றும் இது சந்தைக்குப் புதிதாக இருப்பதால், பேண்டில் அதிக போட்டியிடக் கூடிய சாதனங்களைக் கொண்டிருக்காது.

இரு அதிர்வெண்கள் பற்றிய சுருக்கம்

1. 2.4 GHz -

   வை-ஃபை திசைவியின் 2.4 GHz அதிர்வெண், வை-ஃபை பயன்படுத்துபவருக்கு, பரந்த அளவிலான பகுதிக்கு கவரேஜ் வழங்குகிறது. அது மட்டுமல்ல, 150 Mbps என்ற அதிகபட்ச வேகத்துடன் திடப் பொருட்களை ஊடுருவதில் சிறந்து விளங்குகிறது.

   மறுபக்கம், இது குறைந்த தரவு/டேட்டா (data) வரம்பு கொண்டுள்ளது. மேலும், இது குறுக்கீடு மற்றும் தொந்தரவுக்கு ஆளாக அதிக வாய்ப்புள்ளது.

2. 5 GHz

   ##BlogVASBanner##

   5 GHz அதிர்வெண், வாடிக்கையாளருக்கு மிகக் குறைந்த குறுக்கீட்டுடனான அதிக தரவு/டேட்டா (data) வரம்பை வழங்குகிறது. இது வீட்டில் சிறந்த இணைய வேகத்தை வழங்கக்கூடிய ஒரு சிறந்த தேர்வாக அமைகிறது.

   மேற்குறிப்பிட்டுள்ள நன்மைக்கு முரணாக, இது குறுகிய பகுதிக்கு மட்டுமே கவரேஜ் வழங்குகிறது. அது மட்டுமின்றி, திடப் பொருட்களை ஊடுருவதில் சிறந்து விளங்குவதில்லை.

எந்த அதிர்வெண் பயன்படுத்தப்பட வேண்டும்– 2.4 GHz or 5 GHz?

சாதனங்கள் எந்த அதிர்வெண் பேண்டைப் பயன்படுத்த வேண்டும் என்பதைப் பல காரணிகள் தீர்மானிக்கின்றன. சரியான அதிர்வெண் பேண்டைத் தேர்வு செய்வதற்குக் கவனத்தில் கொள்ள வேண்டிய முக்கிய கருத்துக்கள் சில பின்வருமாறு:

1. வீட்டின் அளவு:

   அதிக அளவிலான பகுதிக்குப் பரந்த கவரேஜ் தேவைப்படும். இதற்கு 2.4GHz பேண்ட்/கற்றை சரியாகப் பொருந்தும். ஏனெனில், இது அதிக/நீண்ட வரம்பு மற்றும் ஊடுருவும் தன்மை கொண்டுள்ளது. சிறிய வீடுகள், அடுக்குமாடி குடியிருப்புகள் அல்லது அப்பார்ட்மெண்ட் போன்றவற்றிற்கு 5GHz பொருத்தமாக இருக்கும். ஏனெனில், இது சிறந்த வேகத்தை வழங்குவது மட்டுமல்லாது எண்ணற்ற நெட்ஒர்க்களினால் ஏற்படும் குறுக்கீடுகளை வெகுவாகக் குறைகிறது

2. குறுக்கீடுகளின் எண்ணிக்கை

   பழைய திசைவிகள், நுண்ணலைகள், ப்ளூடூத் சாதனங்கள், பேபி மானிட்டர்கள், கேரேஜ் கதவு திறப்புகள் மற்றும் பல நூற்றாண்டு பழமை வாய்ந்த சாதனங்கள் போன்ற எண்ணற்ற சாதனங்கள் 2.4GHz பேண்டைப் பயன்படுத்துவதால், இது அதிக குறுக்கீடுகளுக்கு உட்பட்டு இருக்கும்.

   ஆனால், உங்கள் வை-ஃபை இணைப்பிற்கு நீங்கள் எந்த வித குறுக்கீடும் இல்லாத அதிர்வெண் பேண்ட்/கற்றை வேண்டுமென்று விரும்பினால் உங்களுக்கு 5GHz ஒரு சிறந்த தேர்வாக அமையும். இதற்கு, சாதனம் திசைவிக்கு அருகாமையில் இருப்பது அவசியமாகும். சாதனங்கள் ஒன்றுடன் ஒன்று பிணைந்து இருப்பது குறைவாக இருக்கும் பட்சத்தில், குறுக்கீடுகள் அல்லது நெரிசல்களும் குறைவாக இருக்கும். இதனால் சிறந்த வை-ஃபை இணைப்பை நம்மால் பெற இயலும்.

3. அதிர்வெண் பேண்டின்/கற்றையின் பயன்பாடு மற்றும் அதில் இணைக்கப்பட்டிருக்கும் சாதனங்கள்.

   2.4GHz பேண்ட்/கற்றை நீண்ட டிரான்ஸ்மிஷன் அலைகளைப் பயன்படுத்துகிறது, இது சுவர்கள் மற்றும் பிற திடப் பொருட்களின் மூலமான டிரான்ஸ்மிஷனுக்கு மிகவும் பொருத்தமானது. இணையத்தில் ஏதேனும் தேடுவது போன்ற குறைந்த பேண்ட்/கற்றை நீளம் கொண்ட செயல்களுக்கு 2.4GHz பேண்ட்/கற்றை போதுமானதாகும். மறுபக்கம், விளையாடுவது அல்லது HDTV ஸ்ட்ரீமிங் போன்றவற்றிற்கு அல்லது உயர்-கற்றை நீளம் தேவைப்படும் சாதனங்களுக்கு 5GHz சிறந்தாக அமையும்.

   ஒருவர் 2.4Ghz அல்லது 5Ghz என்று எதனைத் தேர்வு செய்தாலும், ஒரு விஷயத்தை உறுதி செய்வது அவசியமாகும். அதாவது, அதிர்வெண் அலைவரிசையின் சரியான பயன்பாட்டிற்கும், வை-ஃபை இணைப்பின் சிறந்த செயல்திறனுக்காகவும், திசைவி/மோடம் (இணக்கி) மற்றும் சாதனம் ஒரே அதிர்வெண்ணைப் பயன்படுத்தும்படி அமைக்கப்பட வேண்டும்.